Helgi nr. 4!!!!!

Hæ, hæ.

Í gær á leiðinni heim úr skólanum varð ég næstum vitni að slysi. Bíll keyrði á hjólreiðamann sem var fyrir aftan mig!!! Ég segi að ég hafi næstum verið vitni að slysinu því að ég sneri auðvitað bakinu í atvikið en heyrði áreksturinn og leit strax við og sá það gerast að eitthverju leyti. Hjólið var í rétti, en bíllinn var að koma af hliðargötu og greinilega leit ekkert eftir hjóli og brunaði yfir hjólabrautina án þess að líta. Hjólreiðamaðurinn féll kylliflatur á stéttina. Hann lá fyrst hreyfingarlaus. Mér leist illa á þetta svo ég fór til baka til að athuga með hann og ætlaði að hringja í 112, en þá stóð hann sjálfur upp og fór strax að klæða sig úr jakkanum til að athuga hvort það væri blóð á handleggnum sínum. Hann hefur pottþétt fengið smá höfuðhögg miðað við hvernig hann datt.. hann var ekki með hjálm!! Ég er alltaf með hjálm og er að reyna að dreifa boðskapnum hérna meðal þeirra sem ég þekki en það gengur því miður ekki alltof vel. En sem betur fer slasaðist hann ekki neitt alvarlega og maðurinn sem keyrði bílinn kom til hans að huga að honum auk fleira fólks.

Í gær var partý fyrir alla nemendur skólans, haldið í skólanum sjálfum!!! Skólanum var breytt í partýstað og það var skrýtið að vera í skólanum eftir miðnætti með diskóljósum, teknótónlist og börum....! Ég ákvað að vera rosalega sniðug og koma með mitt eigið áfengi (alveg eina heila dollu...) og hafði það í töskunni minni. Svo sé ég að við innganginn eru verðir sem kíkja ofan í töskur. Mér leist ekkert á það og heldur ekki vinum mínum sem höfðu einnig komið með sitt eigið.. en talsvert meira en ég auðvitað. Við fengum þá þessa snilldarhugmynd að fela booze-ið úti bakvið vegg og fara inn með ,,tómar" töskur, fá armbandið (,,miðann") og fara út á öðrum stað skólans og ná í okkar drykkjarföng... og viti menn það tókst! :D

Kvöldið byrjaði á drykkjuleikjum, fyrst var ég ekkert rosalega hress með það en það var bara gaman, fórum í eitthverja fáránlega leiki þar sem maður gerði sig að fífli haha. Ok, svo ákváðum við að kíkja á dansgólfið... (mér til mikillar ánægju því eins og þið vitið eeeeeelska ég teknó!!). En ég hélt sem sagt á mínum drykk og þá koma tveir verðir, stoppa mig, og segja á dönsku að það sé stranglega bannað að vera með eigin drykki á ballinu.... og ég þóttist ekkert vita, var eins og heimskur útlendingur og sagði bara sorry?.. Þeir tóku hann af mér og ég var skíthrædd um að þeir myndu hringja í lögguna eða eitthvað... en ég ,,slapp", haha, var svo vitlaus að halda að það yrði eitthvað mál úr þessu, en það voru mjög margir sem lentu í því sama. Svo var dansað smá... ég hitti nokkra í fyrsta skipti, t.d. fólk frá Kóreu, Frakklandi og Búlgaríu og ég er ekki að grínast en allir spurðu mig hvort Íslendingar töluðu ensku sem móðurmál!!! Ég er svo barnaleg kannski en ég hélt að það væri kommon sense að íslenska er okkar móðurmál!! :)

Ég veit ekki alveg hvað ég geri um helgina... reyni að læra allavega... :)

Heyrumst.

Eva.

 

Snemmbúin heim-sóknarferð

Hæ, hæ.

Ég hef fréttir að færa.... ég fæ 2 vikna hausthlé í október (sem er reyndar líka upplestrarfrí) og ég ákvað að skella mér á flugmiða heim þann 14. okt og verð í 10 daga, eða til 24. okt.!! Flestir sem ég þekki ætla einmitt heim til sín í fríinu og ég ákvað að gera hið sama þar sem að jólafríið mitt er svo lélegt (en þá get ég bara komið heim í tæpa viku!). Ég náði að festa kaup á næst seinasta sætinu fyrir daginn sem ég kem heim, þ.e. af þeim sætum sem voru ódýrust!!

Annars er lítið annað að frétta... en ég hef eina skondna sögu að segja :D

Ég var að tala við spænska stelpu, sem er líka líffræðingur, um verkefnið sem ég gerði seinasta sumar, þ.e. svefnrannsóknina. Ég sagði henni að ég hefði verið að athuga svefn hjá hjúkrunarfræðingum, þ.e.  ,,nurses" og hún svaraði: ,,jááááá, er það ekki einhver tegund sem lifir í sjónum"? :D

Kv., Eva María.

Hmm.. venjulegir dagar í Odense?

Enn og aftur trúi ég því ekki að það séu liðnir 4 dagar síðan ég bloggaði seinast.... en það er bara ágætt svo sem að tíminn líði hratt því þá hef ég ekki tíma fyrir heimþrá... þó ég sakni ykkar allra nú þegar..! (Ég er líka farin að sakna alvöru ísbúða... mig dreymir um Ísgerðina.. haha).

Ég hef svo sem ekki margt að segja þar sem dagarnir hafa einkennst af skóla og mjög svo hversdaglegu lífi.... en ég held að það sé kominn tími á eitt kjánastrik að hætti Evu Maríu.... hér kemur eitt. sem gerðist fyrir mig í dag....

Á leiðinni heim úr skólanum ákvað ég að koma við í Nettó. Ég þurfti bara að kaupa smotterí og dreif mig á kassa... svo var afgreiðslukonan búin að ,,bípa" allt, þ.e. með strikamerkin og sagði upphæðina, ég rétti henni 100 kr (danskar auðvitað) og á meðan ég var að bíða eftir að fá afganginn til baka raðaði ég öllu í pokann... og leit svo upp en þá sá ég að hún lokaði peningakassanum og labbaði burt án þess að segja neitt... það fannst mér nú skrýtið þar sem að ég átti eftir að fá afganginn sem voru nú heilar 39 kr!! Þannig að ég ákvað að bíða auðvitað, en það var enginn á eftir mér á kassanum. Svo var ég örugglega búin að bíða í tæpar 10 mín og fannst þetta orðið frekar skrýtið en ekkert bólaði á afgreiðslukonunni. En á meðan var afgreiðslumaður örugglega búinn að afgreiða 6 manns á hinum kassanum á meðan. Mér leist ekkert á þetta svo ég spurði afgreiðslumanninn á hinum kassanum hvert afgreiðslukonan hefði farið... ég ætti eftir að fá afganginn til baka.... hann horfði á mig hissa og kallaði eftir henni í hátalarakerfinu... þá kom hún hlaupandi, rennandi sveitt... og ég sagði við hana (frekar pirrípú auðvitað) ,,þú átt eftir að gefa mér afganginn til baka!!!!!" Þá benti hún á afgreiðsluborðið þar sem hún hefði sett afganginn og kvittunina, en það er lítil skál ofan á þar sem afgangurinn er oft settur... en ég hafði ekkert tekið eftir því af því að ég var að raða í pokann. Svo ég skammaðist mín frekar mikið, var búin að beina athyglinni að mér með því að láta kalla hana upp og tefja 2 afgreiðslumenn.. svo ég sagði bara pent ,,sorry" tók afganginn og strunsaði út með eplarauðar kinnar og leit ekki aftur en fann hvernig allir horfðu á mig...

Annars er bara allt ágætt að frétta. Vonast til að heyra í ykkur sem flestum á Skype!

 Kv.,Eva.

 

Erfið skólavika!

Ég trúi því ekki að það séu fimm dagar síðan ég bloggaði seinast... mér finnst eins og það hafi verið í gær!

Annars er allt ágætt að frétta af mér. Það var mjög mikið að gera í skólanum þessa vikuna og ég er eiginlega frekar ánægð að hún sé búin. Ekki það að færri klukkustundir í skólanum taki við í næstu viku... heldur er gott að vera komin svolítið inn í hlutina, þ.e. að vera búin að læra að þekkja inn á hitt og þetta í sambandi við skólann.

Seinasta þriðjudag var farin ferð til stöðuvatns þar sem sýni voru tekin allan daginn (fyrir fag sem kallast vatnavistfræði). Það var mjög gaman og ég var í skemmtilegum hópi, við fengum að vera í vöðlum og vera úti á árabátum o.fl. skemmtilegheit :) En sá skóladagur var frá 8 um morguninn og ég var ekki komin heim fyrr en að verða hálfníu um kvöldið! 

Ég var svo þreytt í gær þegar ég kom heim að ég sofnaði ,,óvart" um klukkan þrjú leytið og vaknaði rétt fyrir klukkan sjö um kvöldið við það að annar meðleigjandinn var að banka á hurðina hjá mér! Ég meira að segja svaf af mér svaka þrumuveður! Samt sem áður gat ég sofnað kl. eitt og átti erfitt með að vakna klukkan tíu í morgun...!

Í dag fór ég í göngutúr í ,,hina áttina" frá íbúðinni, þ.e. í þá átt sem ég hef aldrei farið þar sem að bæði búðir, miðbærinn og skólinn eru í þá átt sem ég hef alltaf farið frá húsinu. Í þeim göngutúr uppgötvaði ég mér til mikillar ánægju að það er skemmtilegur göngustígur meðfram ánni rétt hjá húsinu mínu og grasagarður þar rétt hjá :) Ég setti inn fullt af myndum á facebook!

Þetta verður annars skrýtin helgi þar sem að ég verð ein heima... sniff! Danska stelpan fór heim til foreldra sinna yfir helgina og pólska stelpan fór heim til Póllands í tæpa viku. Þannig að ég er frekar einmana hérna í kotinu.. haha.

Helgin verður nýtt til þrifa, þvotta, og vonandi lærdóms!

Góða helgi!

Eva.

PS! Setti inn nýjar myndir hér á bloggið!!

Og áfram rignir hann..

Jeij, í dag fékk ég mér sjónvarp (lítið (14") , með innbyggðum DVD spilara) á aðeins 2 þús karl íslenskar... notað auðvitað :) Þarf bara að kaupa mér kapal/loftnetssnúru og þá er sjónvarpið klárt fyrir danskar útsendingar.. sjibbí!! haha.

 Annars rigndi heil ósköp í dag svo dagurinn var vel nýttur til lærdóms, vildi bara óska þess að hugurinn hefði fylgt öllu sem var farið yfir í dag.. það kemur betur í ljós á morgun.. hehe.

Tónleikarnir í gær voru frekar lélegir... eitthvað danskt pop .... og svo var ótrúlega margt fólk að maður var á tímapunkti hræddur um að verða bara undir margmenninu.. en það var gaman að hitta krakkana.

 Það er strembin vika framundan í skólanum... langir skóladagar; verklegir tímar, vettvangsferðir og fyrirlestrar! Vona að það verði bara skemmtilegt....

Kv., Eva.

Ég hlýt að vera með spánskt blóð í æðum!!! haha.

Hæ. hæ.

Ég er mikið búin að vera að hitta alþjóðlegu stúdentana, Welcoming Reception for International Students var t.d. í gær, þá koma prinsessan og hélt smá ræðu (Marie) og rektor einnig. Samkvæmt ræðu rektors er ég ekki alþjóðlegur stúdent þar sem Norðurlandabúar voru flokkaðir í sér hóp hjá honum þegar hann taldi upp hópana sem stunda nám við skólann, sem sagt útlendingar, Norðurlandabúar og innfæddir þ.e. Danir! Kannski þess vegna sem að ég hef lent í veseni m. ýmsa pappíra o.fl... hehe.

En ég geri allt eins og alþjóðlegu stúdentarnir. Það voru allir að kynna sig f. hverjum öðrum í gær á samkomunni eftir Welcoming reception í gær, þ.e. alþjóðlegu stúdentarnir, og það var forvitnilegt að hitta krakka frá löndum víðs vegar um heim! Það var stundum skondið að tala við hina og þessa frá hinu og þessu landi. Það fyndnasta sem gerðist var þegar ég var að tala við grískan strák en eftir stutta stund spurði hann mig af hverju ég hreyfði höfuðið á ákveðinn hátt þegar ég tala... ég var bara eitt stórt spurningarmerki og fannst það frekar dónalegt þar sem ég var búin að tala við hann í mesta lagi í tvær mínútur, en sá gaur var uppáþrengjandi og boring. Svo kom einn hollenskur gaur til mín og annarra tveggja stelpna og vildi giska á hvaðan við værum og hann hélt fyrst að ég væri frá Frakklandi, svo Spáni...! Það fannst öllum mjög merkilegt að ég væri frá Íslandi, enda sá eini að mér skilst!

Ég hef einhverra hluta vegna mest verið með spænsku fólki, það er mjög almennilegt og talar ensku bara útaf mér, þ.e. þau eru öll spönsk nema ég en tala ensku þegar ég er með þeim!!! Í kvöld var mér boðið til þeirra í spænska ommilettu (eða hvernig það er stafað) sem innihélt kartöflur, það var mjög gott!! Og rauðvín með kóki úti með, haha. :)

Á morgun ætla ég í IKEA með öðrum meðleigjandanum og svo á tónleika með Spánverjunum og pólskri stelpu sem ég þekki, um kvöldið. Ég ætti reyndar að nýta tímann til að læra... en hvað um það haha.

Hjólið hefur reynst mér vel þrátt fyrir margt sem þarf að laga... og ég er að eitthverju leyti ólögleg með enga bjöllu eða óvirka handbremsu.. svo vantaði endurskin að aftan en ég sá endirskinsplötu f. framan íbúðina svo ég tók hana og festi við hjólið að aftan, maður þarf að kunna að redda sér! :)

Jæja.. ætti að vera löngu farin að sofa!!!

Góða nótt.

Ps. svara emailum sem fyrst :D

Fréttainnskot

Hæ, hæ.

Seinustu dagar hafa verið frekar erfiðir en þó ekki leiðinlegir!
Ég er mikið búin að hafa fyrir því að leita mér að hjóli (þ.e. notuðu, en nýjum hjólum er víst stolið um leið, þrátt fyrir lása...). Nú sit ég í skólanum og bíð eftir Ph.d. nemanda sem ætlar að selja mér hjólið sitt, vona að það gangi upp! En ég labbaði hingað niður í skóla frá íbúðinni og það tók 50 min! (En mig langaði að prófa að labba :) En ég hef tekið svo marga strætóa, finnst það frekar leiðinlegt... og svo þarf ég hvort eð er að labba svo langt í það strætóskýli sem er næst mér sem strætóar ganga til eftir klukkan 10 á morgnana. Ég get tekið strætó í skólann frá stoppistöð mjög nálægt íbúðinni, en bara fyrir klukkan ca. 10 á morgnana, annars þarf ég að fara í hina stoppistöðina sem er lengra í burtu.

Veðrið er búið að vera frekar leiðinlegt, skúrir og alvöru rigning og sólin kíkir í stutta stund þar á milli. Það er bæði búið að vera kalt og heitt, en það er orðið frekar kalt á morgnana og á kvöldin/nóttunni.

Það sem hefur komið mér mjög á óvart er hversu skólinn er óskipulagður með suma hluti. T.d. var ég búin að frétta það að ég þyrfti að sækja um dvalarleyfi (líkt og EU nemendur, sá það í upplýsingabæklingi) og á öðrum stað var mér sagt að ég þyrfti þess ekki, þar sem ég  er Norðurlandabúi. En ég var ekki viss svo ég fór á international office sem sögðu mér að ég þyrfti að sækja um dvalarleyfi eins og ég væri frá EU landi og þau sögðust alveg handviss um það. Svo ég stóð í röð í morgun með EU borgurum, eftir mikla fyrirhöfn (útvega ýmsa pappíra) og þegar var komið að mér að þá var mér sagt að ég þyrfti sko ekki að sækja um dvalarleyfi!!!

Svo á ég að vera skráð í 3 kúrsum en skráningin mín á innra nemendanetinu sýndi aðeins tvo. Svo að ég fór og bað um að bæta honum við en það var mikið vesen. Loksins áðan kom kúrsinn inn hjá mér á innra netinu en það kom þá í ljós að við erum bara 3 stelpur skráðar í þann kúrs!!!!

Tölfræðikúrsinn er enn að valda mér áhyggjum, ég býst við að þurfa að læra mjög mikið fyrir hann. Svo verður mikið af verklegu svo ég verð oftast í skólanum frá 8-17 eða 18. Svo það verður mjög mikið að gera hjá mér!!

Á morgun er velkomnunarhátíð fyrir útlendingana og prinsessan kemur og segir nokkur orð. Svo er svaka mikið af partýjum framundan, en ég ákvað að kaupa mér Erasmus kort..!

Já... svo skráði ég mig í dönskutíma hjá skólanum... f .advanced learners... hehe.. sé til með það samt.

Já, og ég er komin með danskt símanúmer!!!  Það er ([phone]

 Jæja.. veit ekki hvað skal segja meira í bili!
Eva.
----

Edit: 

Það kom í ljós að hjólið er strákahjól, með einni virkri bremsu og frekar ljótt... Ég náði að prútta þar sem að önnur bremsan er biluð og ég fékk í staðinn nýja körfu, lás og ljós með í kaupbæti... En ég er bara fegin að vera loksins komin með hjól, það virkar allavega og ég var bara 15 min á leiðinni heim frá skólanum. Þarf ekki að hafa áhyggjur af því að þessu ljóta hjóli verði stolið :D(Vildi ekki kaupa nýtt hjól því þá er víst sjálfgefið að því verði stolið :P).

1. dagur í skólanum

Hæ.

 Í dag var fyrsti skóladagurinn og hann var vægast sagt erfiður!

Það var byrjað á tvöföldum tíma í eiturefnavistfræðinni og ég fékk að vita að ég þarf að mæta alla daga næstu viku í verklegt og einnig í vikunni þar á eftir. 

Svo kom tölfræðin og mér leist ekkert á það. Það var ansi mikið sem maður á náttúrulega að kunna nú þegar, en ,,því miður" er það búið að gleymast á þessum fjórum árum (tók lífmælingar f. 4 árum!). Svo það er strax farið að byggja á grunninum sem ég er búin að glata því miður... svo það verður tvöföld vinna fyrir mig að lesa gamalt efni (verð að útvega mér grunnatriðunum af netinu...) og svo læra allt nýtt!

En svo tókst mér að villast tvisvar sinnum, annars vegar á skólalóðinni sjálfri (það eru engar götur í kringum hana, bara göngustígar og ekkert merkt) og svo líka á leiðinni frá skólanum í Bilka, en ég ákvað að kíkja þangað því það er bara rétt hjá skólanum...ég var að leita mér að hjóli en þau voru öll frekar dýr. Svo dagurinn fór líka í að labba alltof langt og í hringi... svo vissi ég ekkert hvað sneri hvert og enginn sem ég spurði vissi það heldur.. allt útlendingar! Svo það endaði með því að ég spurði strætóbílstjóra sem gat vísað mér á réttan strætó!

Dagurinn var samt ekki al-slæmur.... kynntist fullt af fólki, veit ekki hvort ég komi til með að hitta alla aftur... en fínt að kannast við nokkra.

En ég er að þvo og þarf að fara að setja í þurrkara og elda mér mat... 

Rainy day.

Það sem ég hef ekkert betra að gera ætla ég bara að blogga...

Það var svakalegt þrumuveður í nótt, frá ellefu um kvöldið til fimm í morgun... giskið þrisvar hvernig ég veit það... haha. En þetta hefur ekki verið neitt venjulegt skv. þessu: mbl.is

Í dag fórum við pólska stelpan í shopping center, um 20-30 min göngufjarlægð frá íbúðinni. Þar voru fullt af búðum og ég keypti mér kapal til að tengjast netinu í íbúðinni (það er ekki þráðlaust, ég hef verið að stela neti frá einhverjum í ,,blokkinni" sem heitir Aske.. haha). Það er gott að vita af þessu molli.

Svo þegar við komum heim var danska stelpan komin, þ.e. þriðji meðleigjandinn (með mér). Hún er líka mjög fín og ég held að ég sé heppin með meðleigjendur.

Við spjölluðum aðeins saman og það kom í ljós að báðar þekkja annan Íslending (þ.e. sitthvoran..) sem eru með þeim í námi, og þær sögðu þá báða mjög lokaða og ,,quiet". Og voru hissa á því að ég væri ekki lokuð og ó-kammó eins og þeir...!

Á morgun förum við pólska stelpan í göngu um borgina á vegum Erasmus samtakanna. Það er opið öllum sem vilja og verður í ca. tvo tíma.

Annars er ekki meira að frétta af mér... en það verður nú samt að fylgja ein asnakjálka saga af mér...

Það er lítill gluggi í ,,gólfhæð" alveg við höfuðlagið á rúminu. Ég ákvað að draga frá gardínunni á honum til að hleypa meiri birtu inn. Svo ætlaði ég að skipta um buxur og er ekkert að pæla í því... en komst svo að því að ég var á nærbuxunum í sjónmáli þriggja stráka sem sátu úti í garðinum f. framan herbergið mitt.. sýndist einn þeirra horfa í áttina upp en án þess að pæla meira í því dró ég fyrir auðvitað og skammaðist mín...

Annars er einhverra hluta vegna alltaf tungan mín að vefjast um tönn þegar ég tala enskuna, ekki það að enginn skilji mig, bara þarf að vanda mig meira haha, svo koma inn ,,þú veist" svona milljón sinnum á milli. Vonandi að maður verði samt farinn að hugsa á ensku bráðlega.... ! Ég held svo að Danirnir vilji frekar að ég tali dönsku, ég veit ekki hvort ég skipti eitthvað yfir í hana.. er búin að tala smá dönsku, það hefur gengið ótrúlega vel... sé til.

Kv., Eva.

 

Komin til Odense.

Hæ, hæ.

 Ég er núna í íbúðinni minni, á Toftevej!

Herbergið mitt er fínt, þrifalegt og ég er með flottasta skrifborðsstól sem ég hef séð! Úr leðri og gefur ótrúlega góðan stuðning... lúxus! En það brakar alveg óttalega mikið í gólfinu hérna. Ég er á annarri hæð, en það er gengið inn úti. Eldhúsið er allt í lagi en baðherbergið frekar ógeðslegt! Þegar ég kom í gær að þá angaði allt af krydd-lykt, greinilega mikið eldað hérna... en það býr sem sagt ein dönsk stelpa hérna sem er búin að eiga heima hérna í 2 eða 3 ár. Ég hef enn ekki hitt hana því hún er örugglega e-s staðar í fríi. Svo er hinn meðleigjandinn ekki kominn, en það er pólsk stelpa. Ekki vitað hvenær hún kemur!

 Ég var rosalega þreytt í gær eftir ferðalagið og hlakkaði til að fara að sofa. En neibb, þá var bara partý hjá e-m gaurum útí garði þangað sem svefnherbergið mitt snýr! Ég er akkúrat með höfðalagið að litlum glugga sem snýr að garðinum. Svo ég gat ekki farið að sofa fyrr en partýið var búið.

 Í morgun (að ég hélt) vaknaði ég við það að bjöllunni var hringt og kona kom inn og kallaði og spurði hvort einhver væri heima. Ég rauk af stað, nývöknuð, fannst klukkan vera 9 um morguninn. Þá var það Landlordinn sem vildi fá mig til að kvitta fyrir að ég hefði fengið herbergið hreint osfrv. En það var ekki samningurinn, ég skrifa ekki undir hann fyrr en ég fer á Accommodation office. Dekurrófan ég fór strax að klaga í hana að það hefði verið læti fram eftir nóttu og að ég hefði ekki getað sofnað. Hún glotti og spurði mig hvort ég væri ekki frá Reykjavík!!! .... :P En hún sagði að ég hefði bara átt að kalla á þá útum gluggann.. yeah right eins og ég hefði farið að gera það! En það stendur í reglum að það sé stranglega bannað að hafa læti eftir klukkan 10 á kvöldin! Svo fór hún og ég var ennþá frekar svefndrukkinn og fór inní herbergi og komst að því að hún var orðin 12 að hádegi!! En þá var hún náttúrulega 10 um morguninn í hausnum á mér.

 Ég er ekki alveg búin að átta mig ennþá á hvar ég er samkvæmt kortinu... en ég veit í hvaða átt skólinn er og veit hvaða bus ég á að taka... haha. Ég fann Nettó í gær og er að fara þangað á eftir. Er bara eitthvað svo löt í þessum hita og raka :P

Ferðalagið gekk sjálft ágætlega nema að það var 2 tíma seinkun hjá Icelandair svo að ég hafði bara hálftíma til að ná í töskuna mína á Kastrup og ná lestinni sem ég var búin að kaupa miða í... það rétt slapp! Það voru svo tveir krakkar sem tóku á móti mér og ég fékk helstu upplýsingar hjá þeim og hvernig ég ætti að koma mér frá lestarstöðinni á heimilið mitt. Ég fór samkvæmt þeim upplýsingum en þurfti að labba í hálftíma með töskuna.. ég var alveg búin á því þegar ég var komin ,,heim".

 Jæja... læt gott heita í bili. Ætla að rölta bráðum í Nettó og taka upp úr töskunum. Ég ætla bráðlega að fá mér danskt símakort. En þangað til er ég með það íslenska. EN hér er tíminn tveimur tímum á undan Íslandi.

 Kv., Eva.