Hmm.

Hæ.

Það er aðeins farið að hlýna, samt sem áður er ennþá svolítill snjór.

Ég er að hugleiða að hætta með þetta blogg, hvort eð er enginn sem virðist lesa það lengur :-)

Annars eru seinustu dagar eiginlega búnir að fara í að reyna að ákveða mastersverkefni, en það koma tvö til greina; eitt á Íslandi, hitt í Kaupmannahöfn. Ég er mjög tvístígandi hvort verkefnið ég eigi að taka... en ég þarf að fara að taka ákvörðun, helst í gær! Stundum er ég á því að ég ætli að taka íslenska verkefnið og hina stundina danska verkefnið. Æ, ég veit ekkert í minn haus.

 

Yfir og út!

Snjóóóóóóóóór!

Hæ, hæ.

Jæja, þá er nú þegar liðin vika frá því ég kom. Tíminn strax farinn að líða hraðar en ég fæ skilið.

Hér er búið að snjóa svo mikið að ég hef ekki séð útum herbergisgluggann minn (sem er undir súð) í fjóra daga! Það er svo mikið frost líka að það marrar/ískrar í snjónum. Leigusalinn var að senda út tilkynningu, þess efnis að við megum ekki hækka of mikið í ofnunum, sem gæti leitt til þess að aðrir fá ekki hita í ofnana sína. Skildi ekki alveg tilkynninguna (enskan hennar "la la"), en ég má sem sagt ekki hækka ofninn meira en í 3!

Það er búið að vera svaka partý hérna í blokkinni öll kvöld, líka á virkum kvöldum. Fólk með læti, berjandi á hurðir, öskrandi og traðkandi upp stáltröppur sem eru beggja vegna herbergisgluggans míns. Seinasta fimmtudagskvöld var partý til kl. 3 og ég átti að mæta í skólann kl. 8 á föstudagsmorgni og vakna því 6:50... mér kom ekki dúr á auga þá nóttina, enda eftir partýlætin kom maður að moka snjó af stéttinni og skemmtileg læti sem fylgdu því! Ég sakna rúmsins míns heima nú þegar..!

Annars er bara ágætt að vera komin aftur. Er byrjuð í tveimur kúrsum af þremur, líst allt í lagi á þá nema að kennarinn í öðrum þeirra er með svo leiðinlegan talanda... "one, two, tree" og svo er t.d. predator "prídeitor".. osfrv. Hitt fagið er innan efnafræðinnar, við erum mjög fá í þeim kúrsi, en við mættum bara fjórar seinast. Við fengum greinar til að lesa og ég á að kynna eina þeirra næsta þriðjudag... sem minnir mig á að ég þarf að fara að lesa þessa grein.... *roðn*. Þriðja fagið byrjar á morgun, það er felt-kúrs. Við förum í 7 daga langt ferðalag í lok kvartersins (um miðjan mars eða í lok mars minnir mig), hlakka satt að segja ekki til þess.

Nýi meðleigjandinn er fyndinn, en ekkert alvarlegt til að kvarta yfir. Pólska stelpan er komin aftur. Vona bara svo innilega að þetta eigi eftir að ganga vel.

Ég er enn að vesenast með að ákveða mig með mastersverkefni. Þetta er alveg hræðilega erfið ákvörðun. Staðan er svona núna: Langar að taka verkefni heima en auðveldast væri að taka verkefni úti.  Pfff.

Vildi óska þess að ég hefði verið lítil fluga á Badda Saxxx/Stórsveitar tónleikunum í gær... þetta hefur án efa verið hrikalega skemmtilegt... og pabbi á bongó... oh, man.. af hverju þurfti ég að missa af því!!!!

Jæja, best að fara að gera eitthvað af viti.

Kv., Eva.

 

Danir Evrópumeistarar í handbolta... sjibbí!

Jæja, þá er maður kominn aftur til Odense og kominn tími til að blása lífi aftur í þetta blogg!

Ég kom í gær, ferðalagið gekk eins og í sögu ótrúlegt en satt! Ég var bara svo þreytt þar sem að ég fór með morgunflugi og náði bara að sofa í nokkra tíma nóttina áður. 

Þegar ég var komin í íbúðina fannst mér eins og ég hefði ekkert verið í burtu, skrýtið.

Ég hafði það mjög gott heima og það var alveg frábært að geta verið heima svona lengi. Ég sakna Íslands og ykkar allra nú þegar! Vonandi verður tíminn fram að sumri bara fljótur að líða!

Það var smá snjór hérna þegar ég kom og í nótt snjóaði ennþá meira. Vaknaði í morgun við það að leigusalinn var að moka af stéttinni/gangstígnum fyrir utan.

Nýi meðleigjandinn virðist ágætis náungi.. allavega er snyrtimennskan hans upp á marga fiska! Held jafnvel að íbúðin hafi aldrei verið eins hrein og þegar ég kom..! Vonandi að hann haldi þessu áfram..!

Ég komst að því að ég get ekki séð neinar sjónvarpsstöðvar lengur í litla sjónvarpinu mínu.. :( Þeir breyttu nefnilega útsendingunum svo ég þarf að kaupa mér sérstakan móttakara/afruglara til að geta séð ókeypis stöðvarnar. Held frekar að ég muni reyna að selja sjónvarpið! :/

Á morgun er sameiginlegur kvöldmatur nokkurra vina sem eru að flytja aftur heim. Það verður leiðinlegt að svona margir sem ég hef kynnst voru hérna bara í hálfs árs skiptinámi :/

Annars er lítið að frétta. Skólinn byrjar á þriðjudaginn.. vona að kúrsarnir verði skemmtilegir!

Bið að heilsa í bili.

Kv. Eva.

2012!

Gleðilegt nýtt ár!

:)

Ég er að koma heiiiim!

Jæja, þá eru bara fáeinir dagar í að ég komi heim (ein búin að telja niður dagana síðan fyrir mánuði síðan! haha  æj, maður má vera með heimþrá í jólamánuðinum, sérstaklega þar sem að hérna er ekki vitund jólalegt fyrir utan miðbæinn!).

Í dag náðum við (ég og hópurinn minn í einu fagi) að vinna vel í skólanum svo að við náum mjög lílkega að klára þá skýrslu á miðvikudeginum. Hitt verkefnið byrjar á morgun og það ætti ekki að vera óyfirstíganlegt svo ég og hópfélagi minn ætlum að reyna að klára það verkefni á morgun til að eiga frí á fimmtudagsmorgninum til að minnka stressið fyrir ferðadaginn hjá mér! :)

Ég komst að því í dag hver næsti meðleigjandinn okkar verður, það verður 26 ára danskur strákur, nemi. Satt að segja er ég mjög ánægð að það sé strákur, það auðveldar málin og gerir hlutina minna flókna (það getur verið pínu strembið að deila lítilli íbúð með tveimur stelpum.. :/ hehe). Það er í lagi svo lengi sem hann er snyrtilegur og ekki hávær.. og ekki partýdýr.... ! ;)

Það er búið að vera verkfall hérna hjá viðgerðarmönnum lestanna svo að lestarsamgöngur eru í algerum lamasessi. Það er þó skárra frá og með deginum í dag, ég vona bara að það verði ekkert vesen með lestina mína á fimmtudeginum!

Ég get ekki beðið eftir því að hitta alla þegar ég kem heim! Sakna ykkar alveg hrikalega!

Ég vonast eftir því að sjá ykkur sem flest á Þorláksmessu, annars bara yfir hátíðarnar :)

Ég held að ég bloggi ekki meira í bili, sjáumst fljótlega :)

 

Kær kveðja, Eva María.

Ein helgi eftir áður en ég kem heim! ví!

Hér er bara rok og rigning.

Mig langar heim í snjóinn!

9 dagar þangað til!

Næstu dagar munu fara í verkefnavinnu (2 stór verkefni sem ég þarf að skila fyrir jól).

Bara smá kveðja frá Odense í bili.

Eva.

 

Hæhæhæ

Mér hefur borist formleg kvörtun vegna blogg-leysis.

Ég bið ykkur, dyggu lesendur góðir, afsökunar (hæ pabbi, hér er blogg :D).

Blogg-leti mín er ekki vegna annríkis! Kannski þess vegna sem að ég hef ekki skrifað lengi, svo lítið að frétta... þangað til í dag! :)

Í dag komst ég að því að ég get tekið þetta eina próf heima í janúar, svo að ég get verið heima allan janúar (þar sem að þetta próf var það eina á dagskrá fyrir janúar mánuð, seinni önnin byrjar ekki fyrr en 30 janúar). Svo fljótlega mun ég reyna að breyta miðanum aftur til Köben frá 2. janúar til 27. eða 28. janúar :) 

Ég fæ sem sagt að taka prófið við Alþjóðaskrifstofu Háskóla Íslands, það eina sem þarf að gera er að senda prófið þangað og aftur út að prófi loknu og tengiliður minn hjá Alþjóðaskrifstofunni við HÍ sér til þess að ég þreyti prófið á réttum tíma og fái enga utanaðkomandi hjálp.

Svo ég verð heima mestallan janúar :) En prófið er þann 12. svo ætli ég verði ekki að vera dugleg að lesa fyrri hluta janúar. Eða segjum frá 3. janúar þegar maður er svona að klára að melta seinustu leifarnar af jólamatnum :D EN ég tek mér frí alveg yfir hátíðarnar, svo örvæntið eigi!

Ég fór á jólamarkaðinn seinasta laugardag-það var gaman að sjá alla í jólaskapi (það er greinilega hefð fyrir því að allir dressi sig upp eins og í gamla daga, syngi jólasöngva og fari um á hestum í miðbænum-til að upplifa jólin í gamla daga líkt og var á dögum H.C. Andersens-enda markaðurinn nefndur jólamarkaður H.C. Andersen! Ókosturinn við þessa heimsókn í markaðinn var sá að það var grenjandi rok og rigning.. ég fann ekki f. puttunum mínum þegar ég kom heim! En frönsk vinkona mín vildi endilega að við fengjum okkur crépes, ég smakkaði það í fyrsta skipti, með sykri og sultu... það var ótrúlega gott!! (Fyrir þá sem ekki vita hvað crépes er þá er það líkt og pönnukökur :). Ég setti innn myndir frá jólamarkaðinum (undir myndaalbúm-Odense) og eitt video af kór syngja hérna á færsluna:)

Ég er búin að ákveða kúrsa fyrir næstu önn (þ.e. valkúrsa). Ég mun að öllum líkindum taka Advanced ecotoxicology (reyndar Ph.d. kúrs, er að bíða eftir leyfi fyrir því að fá að taka hann) og svo Field course in geobiology-getið hvar hann mun fara fram... á Íslandi!! haha. Fyrstu tvær vikurnar í ágúst og það mun vera á svæðinu hjá Henglinum.

Ég er í fríi á morgun og föstudag þar sem að kennarinn er á ráðstefnu erlendis! Júhú :) Ég ætla að "reyna" að nýta tímann í eitthvað gagnlegt... sjáum hvað setur.. hehe.

Það er pínu kalt... en ekkert miðað við tölurnar sem ég hef séð fyrir Ísland..!!! Ég vona samt að snjórinn fari að koma því þá hef ég afsökun til að spreða peningum í strætó :D Og svo er ég komin með leiða á rigningunni...

Annars er lítið annað að frétta!

Nema danski meðleigjandinn er með gest frá Finnlandi í viku eða þangað til á sunnudaginn... það er frekar strembið þegar fjórar stelpur (í stað þriggja eins og vanalega) deila saman einu baðherbergi....... =biðröð á morgnana :/

Jæja, þetta var allt í bili :)

Kv., Eva María.

 

 

 

Skrár tengdar þessari bloggfærslu:

• Jólamarkaður, Odense, kór.

Hæhæ.

Hæ, hæ.

Ég hefði átt að æfa mig meira fyrir þennan fyrirlestur sem ég hélt í seinustu viku... þegar kom að mér að tala þá bara vissi ég ekki alveg hvernig ég ætti að hefja erindið svo auðvitað bitnaði það á höndunum.. hahahaha. En ég held fyrirlestur aftur núna á fimmtudaginn/föstudaginn svo ég verð betur undirbúin fyrir hann og minna ,,ligeglad" hehe.

Þeir frestuðu jólamarkaðinum um eina helgi svo við förum í staðinn næstu helgi, ég hlakka ekkert smá til því ég er komin í svolítið jólaskap! Við fórum að sjá þegar kveikt var á jólatrénu á ráðhústorginu og það var ekkert smá mikið skreytt þar í kring, mjög gaman að sjá, en það var bara hundleiðinlegt veður; rigning og rok!

Ég fór svo ekki í þetta afmælisboð hjá dönsku stelpunni; hinn meðleigjandinn ,,þurfti að vinna" (hvít lygi) svo ég sagði að það yrði örugglega skemmtilegast fyrir hana (dönsku stelpuna) að fara ein upp í sveitina til pabba síns í afmælið þar sem að hún átti von á nánastu fjölskyldu og það væri frekar vandró að geta ekki tekið þátt í umræðunum... ! Hún skildi mig mjög vel! Ég er mjög fegin að hafa ekki farið þar sem að hún var frá morgni til 10 um kvöldið! ;)

Ég þarf að fara að velja mér námskeið fyrir vorönn (fæ 10ECTS valeiningar, annaðhvort tveir 5 ECTS eininga kúrsar eða einn 10 ECTS einingar). Valið hjá mér stendur á milli tveggja kúrsa fyrir fyrri kvarter annarinnar, annar þeirra myndi koma sér mjög vel fyrir mig (um rannsóknaraðferðir og úrvinnslu gagna) en hinn er hrikalega spennandi (um sjávarspendýr) en myndi hins vegar ekki hjálpa mér mikið fyrir umhverfislíffræðina... er á báðum áttum hvorn kúrsinn ég eigi að velja!

Ég föndraði smá um seinustu helgi svo herbergið mitt er undirlagt jólasokkum og jólatrjám :D

Ég hlakka alveg hrikalega mikið til að koma heim :)

Jólakveðja,

Eva.

 

4 vikur!

Jæja, á morgun eru 4 vikur í að ég komi heim og það þýðir að það er bara rúmur mánuður í jólin!!!! :D

En það er mikið sem ég þarf að gera áður, það verður ekkert hangs hjá mér þangað til! :P

Ég er að fara að halda fyrirlestur á morgun og ég er orðin eitthvað svo "ligeglad" með svoleiðis stúss að ég er ekkert búin að æfa mig og ég held að ég æfi mig jafnvel ekkert! Bara reyna að bulla eitthvað.

Fékk seinni einkunnina í dag og fékk líka 7 fyrir það próf ..... ég bjóst samt við 10 (á danska skalanum, þrjár hæstu einkunnirnar eru 7, 10, 12). O, jæja, það er nóg að ná! En ég kem ekki til með að birta allar þær einkunnir sem ég fæ hérna á blogginu, bara áhugvert fyrir ykkur að vita svona fyrir fyrstu prófin sem ég tek hérna í DK.. hehe.**,

Um helgina ætla ég á jólamarkað með nokkrum Spánverjum og sjá þegar kveikt verður á jólatréi um kvöldið. Á sunnudaginn er ég að fara í afmælisboð til danska meðleigjandans sem verður haldið heima hjá pabba hennar uppí sveit hérna á Fjóni... það verður áhugavert þar sem að hún býður bara nánustu fjölskyldu og meðleigjendum sínum... engum fleiri vinum...!

Hmm, ég veit ekki alveg hvað fleira ég á að skrifa hérna... hehe.

Knús til ykkar í bili.

 

Eva.

5 vikur í heimför :D

Jæja, gat skeð, 10 dagar síðan ég bloggaði.. mér finnst eins og að það hafi verið í gær!!!

En prófið verður að öllum líkindum þann 12. janúar! (Flestir óskuðu eftir því að prófið yrði þann 27.janúar, en þá þurfti ein stelpa endilega að eyðileggja fyrir öllum hinum!).

Ég ætla að reyna að breyta flugmiðanum mínum aftur til Odense yfir til 10. janúar, í stað 2. janúar, svo ég verð viku lengur heima! :)

Annars er lítið annað að frétta!

Um daginn var mér boðið í mat til tékknesks pars (vá, erfitt í eignarfalli!), ásamt spánskri stelpu og slóveskri (?) stelpu (líka erfitt þágufall)! Maturinn var frekar framandi, en góður.... okkur var boðið upp á tékkneskan bjór og heimabruggað 100% alkóhól.. ég hélt að það hefði kviknað í vélindanu mínu...!

Svo datt ég á hjólinu eins og allir facebook-istar vita... svo hefur skólinn bara átt hug minn allan. Alltaf nóg af skýrslum sem þarf að skila.. það vantar aldrei!

Ég hlakka alveg rosalega til að koma heim um jólin, það verður bara afslöppun fyrir áramót með fjölskyldu og vinum, enginn lærdómur fyrr en eftir áramót!

5 vikur í að ég komi heim :D :D :D

Knús til ykkar allra í bili!

Er að fara í mat til spænskrar stelpu sem bauð líka dönskum strák.... það verður eitthvað vandró... meira um það seinna!

Kv., Eva.