Danir Evrópumeistarar í handbolta... sjibbí!

Jæja, þá er maður kominn aftur til Odense og kominn tími til að blása lífi aftur í þetta blogg!

Ég kom í gær, ferðalagið gekk eins og í sögu ótrúlegt en satt! Ég var bara svo þreytt þar sem að ég fór með morgunflugi og náði bara að sofa í nokkra tíma nóttina áður. 

Þegar ég var komin í íbúðina fannst mér eins og ég hefði ekkert verið í burtu, skrýtið.

Ég hafði það mjög gott heima og það var alveg frábært að geta verið heima svona lengi. Ég sakna Íslands og ykkar allra nú þegar! Vonandi verður tíminn fram að sumri bara fljótur að líða!

Það var smá snjór hérna þegar ég kom og í nótt snjóaði ennþá meira. Vaknaði í morgun við það að leigusalinn var að moka af stéttinni/gangstígnum fyrir utan.

Nýi meðleigjandinn virðist ágætis náungi.. allavega er snyrtimennskan hans upp á marga fiska! Held jafnvel að íbúðin hafi aldrei verið eins hrein og þegar ég kom..! Vonandi að hann haldi þessu áfram..!

Ég komst að því að ég get ekki séð neinar sjónvarpsstöðvar lengur í litla sjónvarpinu mínu.. :( Þeir breyttu nefnilega útsendingunum svo ég þarf að kaupa mér sérstakan móttakara/afruglara til að geta séð ókeypis stöðvarnar. Held frekar að ég muni reyna að selja sjónvarpið! :/

Á morgun er sameiginlegur kvöldmatur nokkurra vina sem eru að flytja aftur heim. Það verður leiðinlegt að svona margir sem ég hef kynnst voru hérna bara í hálfs árs skiptinámi :/

Annars er lítið að frétta. Skólinn byrjar á þriðjudaginn.. vona að kúrsarnir verði skemmtilegir!

Bið að heilsa í bili.

Kv. Eva.

Athugasemdir

[Kristbjörg (IP-tala skráð) 29.1.2012 kl. 22:07]

Gott að heyra að þetta gekk svona vel. Freyja fór á Galdrakarlinn í Oz í dag og það var bara mjög gaman. Hún sat alveg stjörf allan tímann, stillt og prúð.

Gangi þér nú vel að byrja í skólanum aftur og við sjáumst svo í apríl :)

kveðja, K.

[Pabbi (IP-tala skráð) 29.1.2012 kl. 22:40]

Snjórinn farinn héðan og nánast komið vor.

[Elli (IP-tala skráð) 30.1.2012 kl. 12:48]

Gott að allt gekk vel, heyrumst fljótlega :)